Articles

Prijs di hooi na Aruba ta stabil y conforme cu prijs mundial

Santa Rosa kier informa tur usuario y cumpradornan di hooi cu e prijs na cual Santa Rosa ta bende hooi ta conforme prijs mundial. Cual prijs ta wordo afecta debi na e secura cu merca y otro paisnan ta pasando aden, cu ta haci e produccion di hooi uno mas dificil.

 

 

 

Despues di a evalua e mercado di hooi mundialmente, Santa Rosa a scohe pa importa hooi for di e bendedor AM CAN  na Merca, kende a mustra di ta bende e hooi di mihor calidad y na e prijs mas faborabel. Santa Rosa y e compania AM CAN tin un relacion estrecho y di confiansa, unda cu pagonan ta wordo haci a base di un factura valido pa tres luna, cual ta faborabel mirando e sistema di pago di Gobierno di Aruba.

 

Por tuma nota cu lo por importa hooi for di paisnan mas sercano manera Venezuela y Colombia, pero sinembargo Santa Rosa a opta pa no haci esaki debi na e calidad inferior di hooi. Pa loke ta trata e mercado Canades, kende tambe ta produci hooi di calidad halto, Santa Rosa a dicidi di no cumpra for di e productornan aki debi cu e prijs na Canada ta 2x mas cu e prijs na cual hooi ta wordo cumpra for di Merca na e momentonan aki.

 

Mirando e factornan aki ta safe pa bisa cu e importacion di hooi na e momentonan aki ta esun di mas faborabel pa e consumidornan na Aruba.

 

Apesar di ta sumamente contento y satisfecho cu e prijs na cual hooi ta wordo cumpra for di AM CAN na Merca, mirando e prijs mundial di hooi, Santa Rosa ta constantemente den busca na prijsnan mas abou pa asina brinda na e criadornan di bestia local, cual ta Santa Rosa su meta principal.

 

Social Media

Facebook Twitter

Departamento di Agricultura, Cria y Pesca/Santa Rosa

Piedra Plat 114-A
Paradera
Aruba
tel.: (297) 585-8102
fax: (297) 585-5639
email: This e-mail address is being protected from spambots. You need JavaScript enabled to view it.