“Grandioso Mercado di Santa Rosa celebranda Dia Nacional”

Pa prome biaha riba Linear Park

 

Dia 17 di maart Santa Rosa a celebra Aruba su dia nacional den forma espectacular cu un Mercado mas grandi cu nunca.

E biaha aki e celebracion a tuma lugar riba Linear Park unda cu alavez a haci inauguracion di Plaza Turismo.

For di 10or di mainta bishitantenan a disfruta di un total di 44 tent cu a bende platonan crioyo manera sopi y filet di lion fish, bakijaw, sopinan di mondongo-bestia chikito-seafood y oester, cocolishi tempera, croquete di cocolishi, stoba di cabrit- rabo di baca- comcomber-galinja-secat y higra, cala, sanger yena, cabrito y steak riba grill y hopi mas.

Pa e muchanan tabatin hotdog, hamburger, popcorn, loempia, cotton candy, face painting, blaas, dino jump y roulette.

 Tabatin diferente tentnan cu a bende tur sorto di matanan manera entre otro mata di banana, sorsjaca y  yerbe di hole. Tambe  diferente remedinan di tera manera stropi di calbas,holoway, robalbo y ginger y diferente remedinan pa cara, cabey, contra cholesterol, sucu, pia preto, rijon y hopi mas.

Sin lubida e tentnan cu a bende pasa boca dushi manera quesillo, dulce de leche, chupabebe, cupcake, pan bollo, pan dushi, koeki y tur sorto di bolo.

Como special tabatin liquer di cashew, lechi, mes, diferente simiyanan, honing y carni fresco.

Manera semper tabatin dushi ambiente, e biaha aki dor di grupo di baile Rincon Boys, Tipico Brisa Tropical y Tipico Alegre Cadushi Largo.

Pa 11or a tuma lugar e apertura official di Plaza Turismo, riba Linear Park.

 

Remarkabel ta e cantidad grandi di turistanan cu tabata presente na e Mercado di Santa Rosa y e comentarionan positivo ricibi. E celebracion aki tambe a conta cu e presencia di diferente mandatario y politiconan kende a disfruta hunto cu pueblo di e grandioso celebracion aki. 

Santa Rosa kier a extende palabranan di gradicimento na pueblo completo kende un biaha mas a sostene e Mercado, Agricultor, Criador y Piscadornan local.

 

Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
Celebracion dia...
 
 
Powered by Phoca Gallery

Social Media

Facebook Twitter

Department of Agriculture, Livestock and Fisheries/Santa Rosa

Piedra Plat 114-A
Paradera
Aruba
tel.: (297) 585-8102
fax: (297) 585-5639
email: This email address is being protected from spambots. You need JavaScript enabled to view it.