“Tomati : Contra di cancer di prostaat”

“Dia 6 di nos projecto BarbaRosa”

Awe ta dia 6 di nos projecto BarbaRosa, cual tin como meta pa recauda fondo y conscientisa pueblo riba e salud di e ser masculino y alabes duna sosten na tur esnan cu ta luchando of cu a perde e lucha contra di cancer.

Nos colega Randy Maduro (AKA BarbaRosa) ta still going strong cu su barba, aunque nos por scuche ta keha untiki pa motibo di e grawatamento.

Manera cu nos a anuncia, pa cada dia cu BarbaRosa keda sin feita su barba, empleadonan y tur esnan interesa lo duna un florin cual riba dia 2 di december lo wordo otorga como donacion na Edmund Harms Foundation. Esaki lo wordo haci durante nos celebracion di “Mercado y Bazaar di Pasco” cu lo tuma lugar na Santa Rosa mes. Riba e dia aki lo tin un personahe publico riba stage cu lo feita BarbaRosa su barba.

Tips di dia : Tomati : Constra di cancer di prostaat

Manera hopi hende sa, e consumo di tomati ta sumamente benificioso pa e salud humano.

E tomati ta contene un cantidad halto di anti-oxidante, yama Lycopene, cual ta primordial den e combatimento di cancer, specialmente cancer di postaat.

Den un estudio conduci pa Harvard University na Merca, invenstigadornan a saca afor cu hombernan cu ta consumi 10 of mas serving di cuminda basa riba tomati (manera entre otro sauce di tomato, ketchup, chili, sauce di pasa) ta reduci nan chance pa haya cancer di prostaat cu 35%, compara cu hombernan cu ta consumi menos tomati. E estudio tambe a mustra riba e hecho cu Lyopene (anti-oxidante den tomati) ta traha aun mas hopi den hombernan cu ta den e etapa avansa di cancer di prostaat.

Tin hopi manera facil pa consumi tomati (y e benificio cu e berdura aki ta trese cune). Por usa esaki como sauce den pasta, den juice of como berdura den salada.

Tomati ta un mata cu por wordo facilmente planta na cas y asina haci su consumo uno diario y facil.

Na Santa Rosa nos tin simiya y foyetonan informativo con pa planta mata di tomati den bo propio cura.

Nos ta spera cu tur hende por tuma bon nota di nos conseho di dia, y asina juda combati cancer di prostaat.

Tur nos amigo, Agricultor, Criador y Piscadornan cu kier uni cu nos den e bunita causa aki, por tuma contacto cu Ludwig Rasmijn na  585 81 02 of dor di manda nos un mensahe riba facebook.

 “BAN SOSTENE NOS CULTURA, PRACTICA CRIA, PESCA Y AGRICULTURA”

“Nos ta duna tips con pa spaar awa y alabes cosecha fruta y berdura fresco na cas”

For di october Aruba a drenta den temporada di awa, cual por trese hopi beneficio cune specialmente pa e agricultornan.

Mirando e  prijs halto di awa na Aruba, nos ta conseha tur agricultor pa probecha di e temporada aki pa planta y cosecha fruta y berduranan fresco, organico y na costo baho den propio cura di cas of riba cunuku.

“Mercado di Santa Rosa na Dakota tabata GRANDIOSO”

“Ambiente, cuminda, productonan fresco y cultura”

 Diadomingo Santa Rosa a celebra dia di cunuku den un forma grandioso cu nan “Fiesta di Cunuku” na Centro di bario Dakota.

Un magnitud grandi di bishitante tabata presente y a disfruta di e dushi ambiente cu bandanan  y show di baile tipico.

“Santa Rosa ta informa riba compra di bestia”

“Tur interesa mester jama y inscribi nan mes un biaha mas”

Santa Rosa kier pidi tur esnan cu ta interesa pa cumpra bestia pa yama y registra nan mes na # 585 3844, esaki ta conta tambe pa esnan cu a yega di registra como interesado pa cumpra bestia den pasado caba.

Alabes Santa Rosa kier recorda tur criador, cu tin un limite riba compra di cabrito cual ta 2 cabrito pa criador, ya cu kier sigura cu tur esnan interesa por haya cabrito pa cumpra. Pa loke ta trata porco tin mas flexibilidad riba e cantidad cu por wordo cumpra ya cu na e momentonan aki tin un cantidad di porco jong cu a nace y cu ta na benta.

“Santa Rosa cu otro grandioso mercado durante Carubbian Festival”

“Celebrando dia international di Turismo”

Diahuebs dia 27 di september, Santa Rosa lo ta presente unbiaha mas na Carubbian Festival na San Nicolas, e biaha aki en conexion cu e celebracion di dia di Turismo.

Santa Rosa cu grandioso mini mercado durante Carubbian Festival

“Tentnan di cuminda crioyo a wordo masalmente bishita”

Diahuebs 6 di september Santa Rosa tabata presente pa prome biaha durante e celebracion di Carubbian Festival unda cu a duna bishitantenan e oportunidad di disfruta di platonan crioyo manera Santa Rosa su mercadonan ta conoci pe.

Cabrito y Carne semper a forma un parti importante di cria di bestia na mundo, como tambe na Aruba. Ta existi e creencia cu e domesticacion di cabrito y carne a sosede mas o menos 10.000 aña prome cu Cristo, den e seronan di Asia. Nan ta wordo concidera un di e mamiferonan mas antiguo domestica tanto pa produccion di carni como lechi.

E cabritonan “crioyo” cu nos tin aki na Aruba, otro islanan y paisnan Latino Americano a wordo treci pa e prome colonisadornan Spaño cu a yega den e area aki.                                                

Actualmente na Santa Rosa nos tin 3 diferente rasa di cabrito y 1 di carne, cual cada uno ta wordo usa pa un proposito diferente.

Esaki ta un recordatorio na tur esnan interesa den compra di bestia cu tin varios bestianan chikito cu bo por pasa wak. Si bo tin cualkier pregunta bo por pasa libremente y cu gusto nos ta splicabo e proceso.