BarbaRosa

“November : luna di BarbaRosa na Santa Rosa”

“Santa Rosa cu projecto di conscientisacion pa e salud di e ser masculino”

Oranjestad- November ta conocir mundialmente como e luna di salud di e ser masculino,  unda cu hombernan full rond di mundo ta laga nan barba of mustashi crece pa asina simbolisa nan sosten na e conscientisacion mundial di e salud di e ser masculino y alabes conmemora tur e hombernan cu ta luchando y cu a perde e lucha contra di cancer.

Mirando e importancia di e causa aki Santa Rosa a dicidi di uni forsa y contribui na e conscientisacion di e salud di e ser masculino, specialmente riba e lucha contra di cancer.

Durante e luna di november, e personahe publico di Santa Rosa, Randy Maduro, lo abstene su mes di feita su barba pa 30 dia.

Pa cada dia cu pasa sin cu e feita su barba, empleadonan di Santa Rosa lo duna 1 florin cual na final lo wordo otorga como donacion na Edmund Harms Foundation.

Durante celebracion di Bazar di Pasco di Santa Rosa, riba dia 2 di december, lo haci otorgacion di e fondo recauda na e fundacion destina y alabez un personahe cu lo wordo anuncia durante e luna di november lo feita e barba di BarbaRosa (Randy Maduro).

Santa Rosa ta invita tur Criador di bestia, Agricultor, Piscador y Amigo di Santa Rosa pa uni na e bunita causa aki. Tur esnan cu kier uni por hacinan donacion directamente na Santa Rosa, unda cu ta pidi un donacion di 1 florin pa cada dia cu BarbaRosa no mishi cu e blet di feita. Pa mas informacion riba e projecto aki por tuma contacto cu e lider di projecto, Ludwig Rasmijn na #5858102 of via email na This e-mail address is being protected from spambots. You need JavaScript enabled to view it.This e-mail address is being protected from spambots. You need JavaScript enabled to view it.">.

Por sigui e desaroyo di BarbaRosa riba facebook na SantaRosaAruba, Twitter na SantaRosa_Aruba y instagram na SantaRosa_Aruba. Alabes Santa Rosa lo post tipsnan tur dia riba facebook, con pa usa matanan local pa combati cancer y mehora e salud di e ser masculino.