Grandioso Mini Mercado durante Curibbian Festival, 6 di September

Santa Rosa cu grandioso mini mercado durante Carubbian Festival

“Tentnan di cuminda crioyo a wordo masalmente bishita”

Diahuebs 6 di september Santa Rosa tabata presente pa prome biaha durante e celebracion di Carubbian Festival unda cu a duna bishitantenan e oportunidad di disfruta di platonan crioyo manera Santa Rosa su mercadonan ta conoci pe.

E mini mercado di Santa Rosa a ricibi un record di bishitante cu a disfruta di platonan manera e famoso sopi di lion fish, pisca y cabrito riba grill y snacksnan special pa vegetarianonan.  Tentnan di boca dushi tabata yen di diferente surtido di bolo, chuculati di pinda, honing y diferente surtido di batido fresco. Alavez bishitantenan a haya e oportunidad pa cumpra palonan di mata di fruta pa asina nan por planta na cas y cosecha nan mes un frutanan.

E ambiente durante e mini mercado di Santa Rosa na Carubbian Festival tabata sumamente placentero unda cu bandanan local a toca y alegra e anochi.

Diahuebs dia 27 di september Santa Rosa lo ta presente un biaha mas durante Carubbian Festival dunando pueblo di San Nicolas y su bishitantenan un otro oportunidad pa disfruta di su grandioso mini mercado.

“Ban sostene nos cultura, practica cria, pesca y agricultura”